Kreu i Vetëvendosjes, njëherësh kryeministri në pritje i Kosovës Albin Kurti, përsëriti pas një takimi me të dërguarin special të BE për dialogun midis Serbisë dhe Kosovës Miroslav Lajçak të hënën në mbrëmje, se dialogu nuk është përparësia e tij.
Ai tha se data e fillimit të dialogut ndërmjet Kosovës dhe Serbisë nuk është përcaktuar dhe se ai nuk është nën presionin e afateve
Ai tha se në parim nuk është kundër dialogut, por se është për “një dialog parimor, i cili do të jetë i sinqertë dhe i përgatitur mirë”.
“Nuk ka datë, sepse ne duhet të formojmë qeverinë e Kosovës, ndërkohë që rezultatet e zgjedhjeve duhet të konfirmohen. Qeveria do të ketë një ministër të Jashtëm për të gjitha çështjet ekzekutive, përfshirë çështjen e dialogut”, tha Kurti.
Lajçak filloi një vizitë tre-ditore në Kosovë me një takim me Kurtin, pas së cilës ai do të mbërrijë në Beograd, ku do të bisedojë me presidentin serb Aleksandar Vuçiç dhe kryeministren Ana Brnabiç. /tesheshi.com/
