Sami Kurteshi nga Lëvizja Vetëvendosje, i është kundërpërgjigjur Isa Mustafës pas deklaratës së këtij të fundit se LDK shkon në opozitë nëse nuk i jepet posti i kryeministrit, duke thënë se subjekti të cilit i takon nuk është në gjendje që të bëjë pazare të tilla për të formuar qeverinë.
Ai ka deklaruar se nuk mund të tradhtohet vullneti i popullit për Albin Kurtin si kryeministër të vendit, duke theksuar se për koalicion nuk janë të hapur për koalicionin PDK-AAK-NISMA, ndërsa bllokun tjetër, LDK-AKR e ftojnë në bisedime për të arritur marrëveshje.
“Ne jemi të bindur se për postin e kryeministrit nuk duhet të bëhet pazar. Nuk do të lëshohet pe në këtë drejtim. Me vullnetin e shprehur, në zgjedhjet e fundit më 11 qershor, për Albin Kurtin, si i nominuar, nuk mund të ketë lëshim pe dhe do të ishte lojë me besimin që na është dhënë”, ka thënë Kurteshi, në Klan Kosova.
Kujtojmë se Ramush Haradinaj kandidat i PAN-it ka ditë që këmbëngulë se ai do bëhet kryeministër dhe do formojë qeverinë menjëherë pas certifikimit të zgjedhjeve nga KQZ.
