Evolucioni nuk do të mësohet më në shkollat e mesme Turke, pasi është cilësuar nga qeveria si një “subjekt kontraversal”. Kryeministri Rexhep Taip Erdogan ka miratuar personalisht këtë ndryshim, që do të jetë pjesë e një kurrikule kombëtare e cila pritet të botohet në fund të muajit. Kreu i bordit të kurrikulave në ministrinë e arsimit, Alpaslan Durmush, tha se një pjesë e Darvinizmit do të mund të shkëputet nga klasat e biologjisë duke filluar nga viti 2019.
“Meqë studentët e klasës së nëntë nuk kanë njohuri paraprake për të diskutuar ‘Origjinën e Specieve dhe Evolucionin’ në orët e biologjisë, kjo pjesë do të shtyhet për studim në ciklin e lartë”, u shpreh Durmush. Duke pretenduar se kurrikula po thjeshtohet ai tha gjithashtu se qeveria po përpiqet t’i arsimojë fëmijët në përputhje me “vlerat kombëtare dhe lokale”.
Disa akademikë në universitetet turke, thuhet se e kanë kritikuar këtë propozim, duke theksuar se i vetmi vend tjetër ku teoria evolucioniste nuk mësohet në shkolla është Arabia Saudite./tesheshi.com/
