Edhe pse tashmë e gjithë vëmendja është përqëndruar në jug të vendit, reshjet vazhdojnë të kenë pasoja në pjesën qëndrore të vendin, sidomos në Kurbin. Disa banorë janë të izoluar në banesat e tyre dhe nuk kanë asnjë mundësi të largohen, por janë strehuar në katet e dyta ose mbi banesa.
Fshati Murqinë mbetet më problematik ku sipas kryeplakut Pjetër Paloka rreth 50 shtëpi banimi janë plotësisht të mbulluara nga uji, ndërsa pesë familje janë të izoluara. Në mbrëmjen e djeshme disa forca ushtarake kanë mbërritur në fshat por pa mundur të ndërhyjnë nga prezenca e madhe e ujit.
Dëmet janë të kosiderueshme, në bagëti dhe prodhimet e fermerëve. Në dhjetë familje kjo situatë është e përvitshme pasi mungon shkarkimi i ujit nga linja hekurudhore dhe për rrjedhojë këto familje janë të rrezikuara nga reshjet.
Aksi nacional Fushë-Krujë- Thumanë vijon të mbartë probleme nga prania e ujit duke paralizuar trafikun që nga dita e djeshme. /tesheshi.com/
