Ka përfunduar me dy të plagosur një grabitje me dhunë e më pas një aksion i RENEA-s, për kapjen e autorit.
Ngjarja ndodhi në Fushë-Gjorm të Kurbinit, ku 20-vjeçari Aldi Lleshaj u rrethua nga dhjetra forca policore.
Ai mbeti i plagosur dhe tashmë është dërguar në spital për mjekim, duke qenë njëherësh edhe i arrestuar.
Policia u vu në ndjekje të tij pasi 20-vjeçari jo vetëm që grabiti një automjet, por dhe më pas plagosi një efektiv policie gjatë ndjekjes që po i bëhej.
Kështu, për pak sa dita e sotme nuk shënoi ngjarjen e rëndë të vrasjes së një polici.
Ndërkohë që mbrëmë, një i ndaluar i rrezikshëm, po në Kurbin, më saktësisht në Komisariatin e Krujës, arriti t’u ikë policëve nga duart dhe të arratiset. Edison Pulaj, i njohur si individ problematik, tashmë po kërkohet prej orësh nga policia. /tesheshi.com/
