Presidenti Bujar Nishani ka dekoruar “martirë të demokracisë“ (pas vdekjes) 11 anëtarë të familjes Lala (Qypi) në Kurbin dhe me “pishtar i demokracisë” ish.të burgosurin politik, Mark Alija.
Ky dekorim është një akt i reflektimit të shtetit shqiptar mbi të vërtetën deri tani të deformuar të historisë. Për familjet dhe banorët e Kurbinit ky është një moment krenaria legjitime, por efektet e këtij nderimi janë sigurisht më të mëdha.
Vrasja në luftë me armë në dorë kundër shtetit komunist te 11 pjesëtarëve të një familjeje në vitin 1952 është një sakrificë njerëzore, por edhe prova që në Shqipëri ka pasur një rezistencë të fortë antikomuniste, e cila deri tani nuk është vlerësuar drejt dhe n përmasat reale t saj.
Për arsye ideologjike heronj si këta, që nderoi Presidenti i Republikës, janë lenë në harresë, madje është hedhur baltë mbi to. Shteti, politika, shoqëria shqiptare ka detyrim ndaj këtyre martirëve antikomunistë që i vunë gjoksin diktaturës dhe derdhën gjakun e tyre për lirinë e demokracinë kur të tjerët zgjodhën të përulen apo edhe më keq të bashkëpunojnë me krimin komunist.
Në këtë ceremoni morën pjesë deputetë nga Qarku Lezhë, drejtues nga Partia Demokratike, si dhe të afërm nga familja Lala, të cilët në emër të atyre që u flijuan, morën dekoratat e akorduar nga Presidenti Nishani./tesheshi.com/
