Kremtimi i Kurban Bajramit në Shkup ka shënuar dhe risinë e prezencës në xhami të një politikani të lartë maqedonas, në rastin konkret të vetë kryeministrit Zoran Zaev.
Ai, së bashku me kreun e Kuvendit Talat Xhaferi, ishte në xhamine Mustafa Pashës, ndër më të njohurat dhe më historiket e kryeqytetit maqedon, prej nga përcolli dhe mesazhe paqtuese e bashkëjetese për shoqërinë, duke vlerësuar njehërësh besimin islam si kontribues.
“Kurban Bajrami është një festë familjare, një festë solidariteti dhe ndihmës reciproke. Për këtë arsye jam këtu, në këtë ditë bashkë me ju. Ne besojmë se të gjithë të bashkuar do të vazhdojmë ta ndërtojmë vendin tonë, si vend i një shoqërie të barabartë, si një vend i të gjithë neve”, tha Zaev. /tesheshi.com/
