Një numër i madh besimtarësh sot kanë falur namazin e Kurban Bajramit në xhaminë Bajrakli në Beograd.
Reisul-ulema i Bashkësisë Islame të Serbisë, Sead Nasufoviç, tha se krijesa më e dashur për Allahun njeriu është, pa të cilin nuk ka jetë në tokë.
“Në këtë ditë, kur heqim dorë nga diçka, ne duhet të dimë pse e bëjmë. Sakrifikojmë atë që është më e dashura për ne dhe atë që e duam më shumë”, tha Nasufoviç, gjatë lutjes.
Nasufoviç u shpreh se miliona muslimanë në botë po e presin festën të shpërndarë për shkak të luftës, ndërsa u bëri thirrje të jetojnë në paqe dhe të mos e presin festën në grindje me anëtarët e tjerë të familjes së tyre.
“Miliona myslimanë sot nuk bëjnë Bajram në shtëpitë dhe atdheun e tyre, ata janë të shpërndarë në mbarë botën, të përmalluar për të dashurit e tyre, dhe mbi të gjitha për fëmijët e tyre të vrarë. Prandaj, vëllezër dhe motra, ju që jetoni në paqe, në shtëpitë dhe vendin tuaj, mos lejoni që ta prisni Bajramin në grindje me bashkëshorti/en apo ndonjë anëtar të familjes”, tha Nasufoviç.
Ai u bëri thirrje muslimanëve që të heqin dorë nga egoja, të luten për fqinjët dhe të afërmit e tyre.
Sofra e Bajramit do të organizohet në orën 17.30 në fushën e Zemunit, ku disa muaj më parë, u rrënua një objekt i ndërtuar nga bashkësia islame para fillimit të Ramazanit.
Bashkësia Islame do të shpërndajë pesë ton mish për emigrantët në qendrat e azilit të hënën. /tesheshi.com/
