Besimtarë musliamanë në të gjithë botën kremtuan këtë të dielë Kurban – Bajramin, një ndër dy festat islame, e cila ka si personazhe në mesazhin e tij Profetin Ibrahim dhe djalin e tij Ismail, të cilët u përcjellin brezave nënshtrimin e devotshmërinë ndaj Zotit.
Në Tiranë, atje ku është dhe tubimi më i madh çdo Bajram në të gjithë hapësirën mbarëshqiptare, në faljen e namazit në sheshin “Skënderbej”, u përcoll pikërisht ky kumt nga kreu i KMSH-së, Bujar Spahiu.
“Allahut i intereson devotshmëria jonë. Te Allahu nuk arrin as mishi dhe as gjaku i Kurbanit, por bindja ndaj tij. Sot në këtë ditë besimi Bajrami. Dëshmia e sakrificës na bën që t’i jemi Zotit mirënjohës.
Kurbani do të thotë afrim të njeriut me Krijuesin”, tha ndër të tjerai pari i muslimanëve në Shqipëri. /tesheshi.com/
