Kur’ani, prirje në PS për ta cituar

Është tashmë e zakonshme që kryeministri Rama të citojë ajete kuranore, por një tjetër figurë e rëndësishme e mazhorancës, jo dhe aq “fetar” sa shefi i tij shtatlartë, shtatshkurti Erion Braçe është shfaqur dhe më i avancuar, ku për herë të parë ka prezantuar në rrjete në verset nga libri i shenjtë islam.

E ka publikuar versetin në trajtë fotoje, me pak koment shoqërues, gjithsesi me shumë pikëpyetje. I drejtohet dikujt me këto fjalë, pas s’dihet se kujt.

“MESO!

Mos cito kot larte e poshte, po lexo, kupto, ndje, MESO!

Kotesia shperndahet, por ajo qe ndjehet behet e jotja, mbi te veprohet!

LEXOJE!”, është komenti i Braçes.

Dihet që ai ka qenë shumë kritik kohët e fundit me qeverisjen, sidomos në politikat bujqësore, por nominalisht vështirë të kuptohet se kujt ia adreson këshillën me referencë kuranore.

Në verset, është ajo që Zoti paralajmëron njerëzit se do vijë një moment kur nuk ka më vlerë kërkimndjesa, pasi nuk e ka bërë këtë sa kë qenë në jetë. Ky moment është ai kur gjithçka ka përfunduar – jeta e njeriut – dhe ai është gati për llogarinë e tij se si e jetoi atë “me Zot apo “pa Zot”. /tesheshi.com/