Për të katërtën ditë radhazi, konfliktet në disa qytete suedeze janë ndezur nga djegia e paralajmëruar e Kur’anit nga një grup i ekstremit të djathtë, anti-emigrant.
Mediat lokale raportuan se tre persona u plagosën në qytetin lindor të Norrköping-ut të dielën kur policia qëlloi me plumba paralajmërues ndaj të mbledhurve.
Disa automjeteve u dogjën dhe të paktën 17 persona u arrestuan, raporton BBC.
Më herët, disa qeveri në Lindjen e Mesme u bënë thirrje të dërguarve suedezë të protestojnë kundër djegies së librit të shenjtë musliman.
Three people hospitalised in Swedish city of Norrkoping after clashes broke out between police and far-right protesters pic.twitter.com/kgeEcmeh3C
— TRT World Now (@TRTWorldNow) April 18, 2022
Ekstremisti danezo-suedez Rasmus Paludan, i cili drejton lëvizjen “Stram Kurs”, tha se ai kishte djegur tekstin më të shenjtë të Islamit dhe se do ta përsëriste atë veprim.
Sipas raporteve të mediave, të paktën 16 oficerë policie u plagosën në protesta dhe disa automjete policie u shkatërruan në trazirat të enjten, të premten dhe të shtunën në vendet ku një grup i ekstremit të djathtë po planifikonte ngjarje, duke përfshirë periferitë e Stokholmit dhe qytetet e Linköping-ut dhe Norrköping-ut.
Paludan kërcënoi se do të mbajë një tjetër tubim në Norrköping të dielën, duke bërë që kundër-protestuesit të mblidhen atje, raportoi Deutsche Ëelle.
Policia lokale tha në një deklaratë se ata qëlluan si shenjë paralajmëruese pasi oficerët e tyre u sulmuan dhe tre persona u goditën.
Shefi i Policisë Kombëtare Suedeze Anders Thornberg tha në një deklaratë të shtunën se protestuesit kishin treguar indiferencë ndaj jetës së policëve, duke shtuar se ata kishin parë trazira të dhunshme më parë, por se kjo ishte diçka tjetër.
Por duhet thënë se ndërsa policia suedeze ankohet për reagimin ndaj saj, vetë ajo e ka kompromentuar veten rëndë në këtë zhvillim. Ajo jo vetëm nuk ndërhyn për të ndaluar aktin e ulët të ekstremistëve, prej të cilëve rrjedhin pasoja të rënda sociale, deri në destabilitet rendi, por dhe i shoqërojnë dhe i mbrojnë ato.
Riots in #Sweden:
Riots erupted in multiple cities in #Sweden.#Riots are occurring in big cities like #Orebro, #Stockholm, #Malmo, #Linkoping and #Norrkoping #swedenriots pic.twitter.com/h9F5eBelKU— आशिष वैद्य 🇮🇳🚩(मैं हूँ मोदी का परिवार ) (@iAshishSVaidya) April 18, 2022
Paludan – i cili u burgos për një muaj në 2020 për krime duke përfshirë racizmin në Danimarkë – gjithashtu u përpoq të planifikonte një djegie të ngjashme të Kur’anit në vende të tjera evropiane, duke përfshirë Francën dhe Belgjikën. /tesheshi.com/
