Vetëm një javë i është dashur trajnerit Xhani De Biazi, për t’i bërë drejtuesit e Alaveshit në Spanjë të rifillojnë “të marrin frymë”.
“Shqiptari” që drejtoi suksesshëm Kombëtaren shqiptare, ka vënë rregull në skuadrën që mbante vendin e fundit në La Liga, duke bërë që Alavesh të fitojë jashtë fushe me Levanten, 0-2.
Por ajo që është pëlqyer së tepërmi, veç rezultatit, ka qenë fryma sulmuese e ekipit, e presingu i lartë, që mund të kishte sjellë dhe gola të tjerë.
Munir el Hadadi dhe Medran ishin autorët e golave për miqtë, që morën në këtë mënyrë 3 pikët e para dhe filluan të rinxjerrin në sipërfaqe, shpresën e ndrydhur aty në fund të renditjes.
E para e De Biazit qe e shkëlqyer…dhe ne shqiptarët sepse ndihemi paksa tifozë të Alaveshit… /tesheshi.com/
