Alina Kabaeva, e njohur si e ish e dashura e presidentit rus, tregoi dhe ajo molepsjen e saj nga propaganda e Moskës, sidomos me mitin e Luftës së Dytë që përdoret për të përligjur agresionin ndaj Ukrainës.
Ajo mbajti një fjalim në Festivalin Kombëtar të Baletit të Gjimnastikës, i cili u transmetua nga të gjitha mediat botërore, ku lidhi fitoren mbi nazizmin në Luftën e Dytë Botërore me ngjarjet e sotme në Ukrainë.
Medalistja e artë olimpike u shfaq në publik për herë të parë që nga agresioni rus në Ukrainë.
Ajo ishte prezente në një seancë stërvitore të gjimnastikës ritmike në Arenën VTB të Moskës në prag të Festivalit Alina.
“Kjo festë nuk është vetëm për të gjithë vendin, kjo është një festë për çdo familje. Të gjithë kanë historinë e tyre të luftës dhe ne nuk duhet ta harrojmë atë, por ta kalojmë brez pas brezi”, tha Alina teksa tërhoqi vëmendjen me sfondin pas saj, një poster me shkronjën Z, e cila është bërë simbol i agresionit rus të Ukrainës.
Daily Mail raporton se fëmijë gjimnastësh të moshave të ndryshme në këtë shfaqje ishin të veshur me uniforma lufte dhe performuan koreografi të frymëzuara nga fitorja sovjetike në Luftën e Dytë Botërore.
Kabaeva u vu në shënjestër së fundmi nga Departamenti i Thesarit i SHBA-së pas agresionit ndaj Ukrainës nga Putini në shkurt, por zyrtarët në Uashington kanë arritur në përfundimin se sanksionimi i saj mund të përshkallëzojë tensionet midis Rusisë dhe Perëndimit.
Kur ajo u shfaq në përgatitjet e festivalit, të gjithë komentuan se si kishte ndryshuar fytyra e saj dhe shumë besojnë se Alina, ashtu si Putini, kishte kryer procedura kozmetike ose të paktën trajtime me Botox. /tesheshi.com/
