Dy efektivë të Policisë së Shtetit janë pezulluar nga detyra pasi e kanë shërdoruar atë. Njëri është është specialist i rrugores, i cili ndryshonte përgjegjësinë e palëve në rast aksidentesh, ndërsa tjetra është një oficere e sallës së Komandimit në Drejtorinë e Tiranës.
Për të parin thuhet: “Nga hetimet e SHÇBA Tiranë ka rezultuar se oficeri i policisë F.M. 29 vjeç, duke shpërdoruar detyrën, ndryshonte përgjegjësitë e palëve në rast hetimi aksidentesh”. Por jo vetëm kaq. Vjehrra e tij drejtonte një “biznes të ndyrë”, një çerdhe prostitucioni. Dhe, në ndihmë të saj, për të mos e rrezikuar nga operacionet e mundshme policore, ai kishte kolegen O.K., 27 vjeçe, me detyrë Operatore e Kamerave në Sektorin e Sallës së Komandimit.
“Dyshohet se në lokalin e vjehrrës së tij, shtetases S.K. ushtrohej prostitucion, por oficerja e Sallës Operative informonte 53-vjeçaren për aksionet që organizonte Policia”, thuhet në njoftimin zyrtar.
Ndërkohë, vjehrra është proceduar penalisht pas një kontrolli policor në banesën e saj në Memaliaj.
“Në zbatim të vendimit datë 23.12.2021 të Gjykatës së Rrethit Gjyqësor Tiranë, në kuadër të këtij hetimi u procedua penalisht edhe shtetasja S.K, 53 vjeçe, pasi gjatë kontrollit të ushtruar në banesën e saj në qytetin e Memaliajt, u gjetën:
– 2 armë gjahu gjysëmautomatike;
– sasi fishekësh, që mbaheshin pa leje.
Gjithashtu, shtetasve të mësipërm iu sekuestruan edhe 4 telefona celularë në interes të thellimit të hetimeve për veprat penale të sipërcituara”. /tesheshi.com/
