Ngjarja e ndodhur në korrik, por video është bërë publike në 24 orët e fundit, ka përfunduar me ndërhyrjen e policisë.
Përdhosja e monumenteve historike dhe atraksioneve turistike duket se është bërë “modë” në Itali. Pak ditë pas dy incidenteve të vandalizmit në Coloseum, ka bërë bujë gjesti i një gruaje që ka hyrë në shatërvanin Trevi për të mbushur një shishe me ujë.
Siç shihet edhe në video, gruaja e paidentifikuar ka injoruar plotësisht tabelat që shkruajnë shprehimisht se hyrja në shatërvan është e ndaluar.
Ngjarja e ndodhur në muajin korrik, por video është bërë publike në 24 orët e fundit.
“E pashë dhe mendova se ishte diçka e çmendur, kështu që fillova të bëj video”, tha burri që regjistroi gruan, duke shtuar se shumica e dëshmitarëve okularë ishin të befasuar nga sjellja e saj duke pasur parasysh udhëzimet strikte për turistët.
“Kishte kudo shenja se kjo nuk lejohej”, shtoi burri që regjistroi “pushtimin” e gruas në shatërvanin, i cili u ndërtua në 1762.
Ajo, megjithatë, thuhet se u përpoq të bindte policinë se nuk e kuptonte se cili ishte problemi nga veprimi i saj. /tesheshi.com/
