Një rast i rëndë afere korrpuptive ka çuar në pranga disa zyrtarë të Agjencisë Kombëtare të Burimeve Natyrore, ndërkohë që dy prej tyre janë në kërkim. Ata, në bashkëpunim me dy biznesmenë, thuhet se i kanë shkaktuan shtetit një dëm prej 1.5 mln dollarë.
Në pranga kanë rënë Arben Doda, Simon Marku, Qano Hoxhaj, Denis Durrsi, teksa është lënë në arrest shtëpie Rezarta Sulejmani, raporton Shqiptarja.com.
Gjithashtu është arrestuar edhe Naim Kasa, biznesmen në fushën e hidrokarbureve.
Ndërkohë janë shpallur në kërkim biznesmeni i hidrokarbureve Isuf Berber, aksioner në kompaninë “Fufarma”, si edhe Klodian Gradeci, ish-drejtori OST-së në Tiranë, i cili mbante detyrën e drejtorit të hidrokarbureve AKBN-së.
Ky i fundit, kujton Shqiptarja, në janar 2019 ka dhënë dorëheqjen nga posti Drejtorit të Operatorit të Sistemit të Transmetimit, pas skandalit me firmën “DH Albania”, ku i kishte dhënë kësaj kompanie një tender me vlerë 18 milion euro. Ndërsa për Isuf Berberin thuhet se ka udhëtuar të hënë drejt Turqisë.
Pas hetimeve, ka rezultuar se kompania “Phoenix Petroleum” e cila është në pronësi të dy biznesmenëve Isuf Berberit (në kërkim) dhe Naim Kasa (i arrestuar) kanë marrë në shfrytëzim disa puse nafte, por nuk ka kanë kryer investimet e detyrueshme.
Ato i kanë dorëzuar AKBN-së 8 fatura të falsifikuara, sikur kanë kryer punimet nga kompania amerikane “Black Swan Energy Service”. Vlera e këtyre fatura shkon në 1. 299.000 dollarë.
Ndërkohë, sipas TCH, në hetime është përfshirë edhe FBI, e cila u angazhua pas kërkesës së letërporosisë për të konfirmuar se nuk kishte partneritet mes kompanisë shqiptare dhe asaj amerikane. /tesheshi.com/
