Kur SHBA fut në “listën e zezë” dhe kompani izraelite

Kompania izraelite NSO Group, e cila qëndron pas softuerit të fuqishëm të spiunazhit që dyshohet se përdoret për të hakuar telefonin, është futur në listën e zezë nga Shtetet e Bashkuara, pasi u konstatua se vepronte “kundër interesave të politikës së jashtme amerikane dhe sigurisë kombëtare”.

“Veprimi i sotëm është pjesë e përpjekjeve të administratës Biden-Harris për të vënë të drejtat e njeriut në qendër të politikës së jashtme të SHBA-së, duke përfshirë punën për të ndaluar përhapjen e mjeteve dixhitale të përdorura për represion”, tha në një deklaratë Departamenti Amerikan i Tregtisë.

Konkluzioni i Ministrisë së Tregtisë është, sipas gazetës britanike Guardian, një lloj goditjeje për kompaninë izraelite dhe zbulon shqetësimin e thellë të Shteteve të Bashkuara për ndikimin e spyware në interesat e sigurisë kombëtare.

Vendimi vjen tre muaj pasi një konsorcium gazetarësh, duke punuar me grupin jofitimprurës të Francës Forbidden Stories, zbuloi disa raste të gazetarëve dhe aktivistëve të hakuar nga qeveritë e huaja duke përdorur spyware.

Gjithashtu u zbulua se numrat e telefonit celular të presidentit francez Emmanuel Macron dhe pothuajse të gjithë kabinetit të tij ishin në listën e “rrjedhur” të individëve që u përzgjodhën si objektiva të mundshëm për vëzhgim. /tesheshi.com/