Arkivi Shqiptar publikoi së fundi dokumenta të asaj që do ishte projekti i lidhjes së Shqipërisë dhe Serbisë me anë të një hekurudhe.
“Ishte viti 1946 kur Beogradi propozonte bashkimin e dy popujve (Serbi-Shqipëri) përmes një hekurudhe.
Dokumenti që publikojmë sot është një shkresë e dërguar nga Beogradi në vitin 1946 ku kërkohet shfrytëzimi i burimeve tona ujore për të ngritur një hekurudhë e cila do të funksiononte me anë të energjisë që do të prodhohej në lumin Shkumbin.
Këto detaje e shumë të tjera na i dëshmon dokumenti i shoqëruar me skicën e projektit”, thuhet nga Arkivi Shqiptar.
Kujtojmë se ishte ajo kohë kur dy vendet ishin në aleancë ideologjike, e cila do prishej më pas në 48, pas së cilës Shqipëria do lidhej fort me Bashkimin Sovjetik.
Sot, është projekti i një hekurudhe, por e cila do lidhë Koosvën me Shqipërinë, pos Rrugës së Kombit. /tesheshi.com/
