Kryetari i Partisë Serbe të Kosovës, Aleksandër Jabllanoviq, ka thënë se shumë shpejt do të tregojë fytyrën e vërtetë të ish-partisë së tij, Lista Serbe e cila sipas tij udhëheq Veriun përmes bandave por njëherit premton se do të demantojë kështu edhe krerët kosovarë të cilët thonë se kjo pjesë është pastruar nga strukturat ilegale.
Jabllanoviq ka paralajmëruar se do t’i dërgojë disa dëshmi të gjitha partive politike në Kuvendin e Serbisë për veprimtarin kriminale të “Srpskas” në Kosovë.
“Po, do t’i dërgojmë fotografitë ku shihen banditët me xhipa të blinduara si dhe emrat e kompanive që operojnë jashtëligjshëm”, ka thënë ai për “Indeksonline”.
Sipas tij, plani i partisë së Goran Rakiqit është që ta bëjë veriun e Mitrovicës “strehë për kriminelët”. /tesheshi.com/
