Presidenti rus Vladimir Putin iu drejtua të gjithë qytetarëve rusë me rastin e Ditës së Flamurit Kombëtar dhe tha se vendi i tij do të ndjekë vetëm ato politika në skenën botërore që korrespondojnë me interesat e tij themelore.
“Rusia është një fuqi botërore e fuqishme dhe e pavarur. Ne jemi të vendosur në zbatimin e atyre politikave në arenën ndërkombëtare që korrespondojnë me interesat themelore të atdheut,” tha ai.
Putin vuri në dukje se flamuri rus mbeti një simbol i Rusisë në kohët më të vështira – nën Pjetrin e Madh, kur Perandoria Ruse sapo po formohej, në fushat e betejës së Luftës së Parë Botërore dhe në mes të ndryshimit dramatik në vitet 1990.
“Flamuri kombëtar simbolizon besnikërinë ndaj vlerave tona tradicionale nga të cilat nuk do të devijojmë kurrë – e vërteta dhe drejtësia, solidariteti dhe mëshira, respekti për historinë shekullore, të pandërprerë të Rusisë, arritjet dhe fitoret e paraardhësve tanë që u lanë për ne si trashëgimi, mbrojtja e atdheut dhe moslejimi i diktateve dhe hegjemonisë së jashtme”, tha Putin në një retorikë delirante, ku ndërkohë rusëve nuk u janë atribuuar kurrë në histori virtyte si “drejtësi” e “mëshirë”.
“Kjo është arsyeja pse dëshira për të jetuar sipas vullnetit të vet, për të zgjedhur rrugën e vet dhe për ta ndjekur atë, është bërë pjesë e kodit gjenetik të popullit rus”, theksoi kreu i shtetit rus.
Sipas Putinit, flamuri rus shërben për edukimin e brezave të rinj me vlerat e patriotizmit, qytetarisë dhe përgjegjësisë për të ardhmen e atdheut.
Putin shprehu besimin e tij se flamuri rus do të mbetet përgjithmonë i shenjtë për të gjitha gjeneratat, do t’i frymëzojë ata për bëmat ushtarake, arritjet e punës, për të pushtuar lartësi të reja në shkencë, kulturë dhe sport, dhe se do të zgjojë një ndjenjë krenarie në atdhe.
Por kujtojmë se Rusia nuk ka qenë kurrë në histori një perandori apo qytetarim imponues, gjersa nuk ka qenë as fuqi ekonomike. /tesheshi.com/
