Modelja 27-vjeçare dhe mbajtësja e titullit Miss Ballkani 2022, Guler Erdogan, ka ndërruar jetë duke ikur nga policia, shkruan gazeta turke Sabah. Erdogan ndodhej në Giresun për pushime me familjen, për Fiter Bajram, aty ku dha dhe frymën e fundit. Trupi i saj i pajetë u pa nga shoferët e makinave që kalonin përgjatë rrugës bregdetare pranë Detit të Zi në lagjen Hacı Hüseyin.
Policia dhe ekipet mjekësore kanë mundur vetëm të konstatojnë vdekjen në vend.
Guler Erdogan thuhet se vdiq në vend pasi u përplas nga një automjet teksa po kalonte në këmbë rrugën Bregdetare të Detit të Zi të rrethit Hacı Hüseyin.
Mësohet se modelja e re kishte një titull dhe punonte në një agjenci modelesh.
“Guler Erdogan, 27-vjeçarja Miss Ballkani, e cila kishte shkuar në Giresun me familjen gjatë pushimeve, kishte konsumar alkool duke u argëtuar me miqtë e saj”, raporton Sabah.
Sipas raportimeve, policia e ndaloi modelen, pas së cilës dyshohet se ajo ishte në gjendje të dehur.
Guler Erdogan u përpoq të largohej prej tyre, kur një makinë u përplas me të.
Familja e modeles nuk bëri njoftim nekrologjik, por rrjetet sociale u vërshuan me shprehje ngushëllimi dhe pikëllimi për këtë fund tragjik të saj. /tesheshi.com/
