Kosova ka shënuar një rekord të frikshëm të infektuarish brenda një dite, gati dyfishi i asaj që ka ndodhur në Shqipëri brenda një 24-orëshi, ku me datë 4 prill u regjistruan 29 raste, e kjo vetëm njëherë, duke përbërë kulmin e vetëm që kur nisën masat kufizuese.
Ndërsa në Kosovë, u regjistruan 51 infektime brenda ditës.
Nga autoritetet shëndetësore të Kososës u raportua se “më 19 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 295 mostra të marra nga Klinika Infektive, gjurmimi i kontakteve të rasteve në terren si dhe nga karantina në Qendrën studentore.
Me SARS-CoV-2, janë diagnostikuar gjithsej pesëdhjetë e një (51) raste.
Rastet pozitive janë raste kontakti, trembëdhjetë (13) raste me vendbanim në Zubin Potok, nëntë (9) raste nga komuna e Ferizajt (sipas vendbanimit: Ferizaj shtatë (7) raste, raste dhe Kosinë dy (2) raste), dhjetë (10) raste nga komuna e Vitisë (sipas vendbanimit: Viti gjashtë (6) raste dhe Skifteraj katër (4) raste), gjashtë (6) raste nga Mitrovica e Veriut, katër (4) raste nga Zveçani, tre (3) nga Vojnovc-Shtime, dy (2) raste nga komuna e Leposaviqit (sipas vendbanimit: Leshak dy (2) raste, dy (2) raste nga komuna e Prishtinës dhe me nga një (1) rast vendbanimet: Prizren dhe Pejë”.
Kosova po përjeton paralel dhe një krizë të rëndë politike, që gati-gati e ka lënë krizën epidemike në rend të dytë. /tesheshi.com/
