Prokuroria e Krimeve të Rënda njofton se ka shpallur në kërkim shefin e Komisariatit të Kurbinit, Ylli Vata, me akuzat: “Kultivimi i lëndëve narkotike”, “Grupi i strukturuar kriminal” dhe “Kryerja e veprimeve në kuadër të grupit të strukturuar kriminal”.
Nga hetimet kanë rezultuar se Vata ka bashkëpunuar me një grup kriminal në kultivimin dhe më pas shitjen e kanabisit.
Por ai nuk ka mundur ta arrestohet pasi nuk është paraqitur në punë dhe për momentin nuk duhet se ku ndodhet.
Ndërsa Gjykata e Krimeve të Rënda, bazuar në akzuzat e ngrotira ka caktuar në mungesë edhe masën e sigurisë arrest me burg.
Siç informohet nga Krimet e Rënda, grupi në fjalë është goditur në muajin nëntor të vitit të kaluar, kur u arrestuan 7 persona, një prej të cilëve efektiv policie. Nga hetimet ka rezultuar se organizatori i grupit, Lefter Neli kishte marrëveshje me shefin e rendit, Ylli Vata, se nuk do të pengohej në aktivitetin e tij kriminal. Kjo është konfirmuar nga fakti se aksionet e policisë kundër parcelave me kanabis në zonën e Kurbinit dhe që drejtoheshin nga Vata, në asnjë rast nuk kanë prekur parcelat e Lefter Nelit.
Opozita ka akuzuar rregullisht se në kultivimin dhe trafikimin e drogës, janë përfshirë dhe krerë të lartë policie. Rasti më i fundit, por dhe të tjerë para tij, e konfirmojnë këtë. /tesheshi.com/
