Është shumë e rëndësishme që gjatë gjithë ditës të jemi të hidratuar. Hidratimi i rregullt mundëson një punë korrekte të organizmit tonë dhe nuk do të ndihemi të plogësht, madje as të uritur. Megjithatë, shumë njerëz nuk pinë ujë sepse ju duket e mërzitshme. Minimumi i këshilluar për një të rritur është 1 litër në ditë dhe kjo sasi duhet të shtohet në bazë të aktivitetit fizik deri në 2 litra për ata që merren me sport apo bëjnë palestër.
Nëse pirja e ujit të bezdis dhe me shumë dëshirë do kishe preferuar të pije një soda, atëherë shiko këto kombinime të këndshme që do të motivojnë akoma më shumë që të konsumoni ujë:
Ju duhen vetëm:
– Një shishe një litërshe ose bidon uji 1 litërsh (ose dhe 500 ml).
– Fruta.
– Erëza sipas dëshirës.
- Luleshtrydhe dhe limon.
Mund shtoni një fetë të trashë limoni të shtrydhur ose ashtu siç është dhe 10 kokrra luleshtrydhe. Ky lloj kombinimi është shumë freskues.
- Qershi dhe Lime (limon jeshil)
Përsëri një fetë limon dhe 10 kokrra qershie pa fara. Ky kombinim është një zëvendësues perfekt i një sode.
- Qitro dhe rozmarinë
Një fetë qitro dhe 2 degëza rozmarine. Ky kombinim ngjan pak me shijen e ujit tonik.
- Manaferra dhe portokall
Një fetë portokall dhe 10 kokrra manaferre (mundësisht të prera në dysh). Ky kombinim është shumë detoksifikues. /tesheshi.com/
