Familjet e viktimave të mafies siciliane kanë shprehur frikën se më shumë se 20 mafiozët e liruar në tre muajt e fundit mund të kthehen në lagjet që dikur kontrollonin.
Shumica e këtyre mafiozëve, disa prej të cilëve kishin role drejtuese në familjet kryesore mafioze të kryeqytetit sicilian Palermo, kurrë nuk hoqën dorë nga Cosa Nostra, mafia siciliane dhe gjithmonë refuzuan të bashkëpunonin me autoritetet gjyqësore, raporton Guardian.
“Lirimi i mafiozëve që gjithmonë kanë refuzuar të bashkëpunojnë me drejtësinë është gjithmonë jashtëzakonisht i rrezikshëm. Është një goditje vdekjeprurëse për luftën kundër mafies”, tha Salvatore Borsellino, vëllai i gjyqtarit legjendar antimafia Paolo Borsellino, i cili u vra nga Cosa Nostra në 1992.
“Sinjal i keq”
Nino Morana Agostino, nipi i oficerit të policisë Nino Agostino, i cili u vra në mes të ditës në vitin 1989 së bashku me gruan e tij Ida, e cila ishte në muajin e pestë shtatzënë, i tha gazetës La Repubblica “se ne nuk mund të përballojmë të heqim rojet tona në luftën kundër mafias apo ta nënvlerësojmë atë”.
“Mafiozët që janë dënuar me burgim të përjetshëm dhe tani janë liruar me kusht, vazhdojnë të mbajnë sekrete për vrasjet e pazbardhura të mafias, të cilat ata nuk kanë pranuar t’i rrëfejnë. Prandaj lëshimi i tyre jep një sinjal të keq”, theksoi ai. /tesheshi.com/
