Në Sheshin e Republikës në kryeqytetin e Serbisë, Beograd, pati një tubim kundër luftës për shkak të agresionit rus kundër Ukrainës.
Aty u mbaj një minutë heshtje për të gjitha viktimat, si për civilët ukrainas ashtu edhe për ushtarët trima që vdiqën duke mbrojtur atdheun e tyre, si dhe për ushtarët rusë që u dërguan në atë luftë, sipas organizatorëve.
Është interesant fakti se në takim u valëvit një flamur i pazakontë bardh-blu-bardhë. Sipas organizatorëve, është flamuri i lëvizjes paqësore të Rusisë dhe, siç shpresojnë protestuesit, flamuri i ardhshëm i atij vendi nga i cili është fshirë ngjyra e kuqe, ngjyra e gjakut dhe agresionit.
Në tubim, ku morën pjesë rreth njëqind qytetarë, mund të shiheshin edhe pankarta me mbishkrimet “Putini nuk është vëlla, Putini është luftë”, “Askush nuk e sulmon Rusinë, pse mobilizimi?”, “Jo luftës! Çmenduri”. /tesheshi.com/
