Dy zyrtarë të lartë ushtarakë rusë thuhet se kanë “hapur zjarr” ndaj presidentit rus Vladimir Putin për dështimet në frontin ukrainas, në një bisedë telefonike të përgjuar që shpërtheu të hënën.
Shërbimi ukrainas i Radios Evropa e Lirë e ka publikuar këtë bisedë, pasi e ka marrë, siç thuhet nga shërbimet e inteligjencës ukrainase. Në të, Vladimirovich Vlasov dhe Vitaly Kovtun dëgjohen duke sharë presidentin rus dhe Sergei Shoigu për dështimet në Ukrainë.
“Një raketë duhej të binte në Parlamentin e Ukrainës në Kiev. Pse nuk ra. Merreni, nuk e kuptoj, ju jeni një g @ m … a g @ m..gjithë Putin”, dëgjohet duke thënë Kovtun. “Pse nuk ra një raketë në Kiev? Diçka shkoi keq,” tha ai në një bisedë më 14 prill.
“Shoigu është plotësisht i paaftë”
Në qendër të vëmendjes së kolonelëve rusë doli edhe ministri rus i Mbrojtjes. “Sergei Shoigu është krejtësisht i paaftë”, tha një ushtarak rus, i cili thuhet se është Vladimirovich Vlasov. “Vetëm një showman”, shton ai.
Vlasov gjithashtu e quajti gjeneralin Alexander Dvornikov, komandantin më të lartë të Rusisë në Ukrainë, “plotësisht budalla” dhe “c @@ pa tru … idiot”.
New York Times raportoi të martën se Dvornikov nuk ishte paraqitur për dy javë, duke bërë që disa zyrtarë amerikanë të spekulonin se ai mund të kishte humbur detyrën. /tesheshi.com/
