Liverpool humbi një ndeshje dramatike ndaj Manchester United, duke qenë disa herë në avantazh. Përballja ishte për një vend në çerekfinalet e Kupës FA. United fitoi 4:3 pas kohës shtesë në një ndeshje të shkëlqyer në Old Trafford.
Në takimin me disa kthesa u panë të gjitha virtytet dhe të metat e të dyja skuadrave dhe në fund vendosi goli i Diallos, bash kur gjithçka po shkonte drejt penalltive.
Pas ndeshjes trajneri i Liverpool-it Jürgen Klopp nuk e fshehu dot zhgënjimin, ku dukshëm i mërzitur u largua nga fusha.
Menjëherë pas ndeshjes ai u ndalua nga një gazetar norvegjez. Por ai u bezdis shpejt nga pyetja e një gazetari për rënien e intensitetit të skuadrës së tij me afrimin e fundit të lojës.
“Kjo është një pyetje pa kuptim. Nëse na shikoni shpesh, mund të na pyesni një herë tjetër pse kemi kaq shumë energji. Nuk e di sa ndeshje kemi pasur kohët e fundit dhe sa ka pasur Manchester United. Unë jam shumë i zhgënjyer për këtë pyetje…”, tha gjermani.
Më pas gazetari e pyeti: “Pra shkaku janë shumë ndeshje?
Më pas Klopp e humbi plotësisht durimin.
“Nuk kam nerva për ty”, tha trajneri i Liverpool dhe u largua nga intervista. /tesheshi.com/
klopp just walked out of his interview with scandinavian tv in a huff pic.twitter.com/4ZwmBfDQPb
— Richard Williams (@RichALWilliams) March 17, 2024
