Pikërisht më 2 korrik të vitit 2010, një zyrtar i ministrisë së Jashtme, këshilltar i afërt i numrit dy të qeverisë së atëhershme, Ilir Meta, u arrestua në ambientet e ambasadës amerikane si i akuzuar nga DEA për trafik droge në Shtetet e Bashkuara të Amerikës.
Por edhe pse DEA arrestoi zyrtarin e lartë të qeverisë shqiptare, ai pati një odise të vërtetë për ta mbajtur me zorr në Shqipëri, duke u kapur me procedura ligjore.
Ka zgjatur plot 5 muaj odiseja gjyqësore për të penguar Rrapon, i cili është larguar në SHBA me një procedurë më shumë “me forcë” se ligjore. Më 24 nëntor, DEA dhe FBI i dërguan ultimatum autoriteteve shqiptare që rezistonin.
Gjykatat po e vononin çështjen, ndërsa avokatët dërguan kërkesë urgjente edhe në Strasburg, ku Gjykata Europiane pezulloi ekstradimin.
Ndërsa tani Habilajt jo vetëm janë arrestuar në Itali, por edhe Prokuroria shqiptare po vepron vetëm me dosjen italiane, pa kryer asnjë veprim procedurial në Shqipëri.
Almir Rapo ishte një këshilltar i afërt i Ilir Metës, dhe tashmë është dëshmitar i drejtësisë amerikane. Ai akuzohet për pjesëmarrje në një nga grupet më të fuqishme të trafikut të drogës në SHBA që shpërndajnë në sasi të mëdha kanabisi, heroinë dhe kokainë.
Pikërisht për të sqaruar pozicionin e tij me Rrapon, pak muaj më vonë vetë Ilir Meta u thirr në zyrat qëndrore të DEA-s amerikane për të dëshmuar.
Pas ekstradimit nga Shqipëria, Almir Rrapo, gjatë procesit në një gjykatë të Nju Jorkut, ka pranuar të bashkëpunojë me drejtësinë, duke fundosur rreth 20 persona që ishin pjesë e bandës “Krasniqi”, e cila kishte zëvendësuar familjet mafioze italiane në Nju Jork. Fillimisht, 29-vjeçari rrëfeu të gjitha krimet në prokurori, madje edhe me detaje dhe episode, duke treguar funksionimin e bandës, që nga trafiqet e drogës deri dhe vrasjet e ndodhura gjatë viteve.
Megjithëse në proceset gjyqësore në Shqipëri për ekstradimin ai mbajti një qëndrim mohues, madje u shpreh se arrestimi është “një gabim”, në SHBA pranoi të rrëfente të gjithë krimet që kishte kryer, madje edhe me detaje. Ai përfitoi statusin e bashkëpunëtorit të drejtësisë, çka ndikoi edhe në vendimin përfundimtar. Ai u dënua vetëm me gjashtë vite burg në një kohë që dy bashkëpunëtorët e tij në krime, Bruno dhe Saimir Krasniqi u dënuan me burgim të përjetshëm.
Sot LSI është në ballë të betejës anti-Rama me dosjen “Habilaj” nën sqetull, ndërkohë që nuk ka mbajtur asnjë përgjegjësi politike apo morale, si për rezultimin-trafikant drogë e të inkriminar, të njeriut më të afërt të Metës në krye të Ministrisë së Jashtme; e po ashtu dhe për faktin se një eksponent i saj, Klemend Balili, është në kërkim ndërkombëtar i cilësiar si “Eskobari i Ballkanit”. Mirë do ishte që në daljet e shpeshta në media këto ditë të znj.Kryemadhi, të pyetej për “Habilajt” e partisë së saj. /tesheshi.com/
