Nga Blendi Gashi
Asgjë e re nuk ka ndodhur në takimin e dytë që u zhvillua të mërkurën mbrëma në Bruskel në nivel të presidentësh dhe kryeministrash.
Edhe ky takim njëjtë si i 24 janarit përfundoi pa arritjen e ndonjë marrëveshjeje mes palëve.
E veçanta e takimit të mbrëmshëm është mbyllja e gojës që Bashkimi Europian ia bën zyrtarëve të dy shteteve duke mos i lënë të flasin asnjë fjalë të vetme pas takimit, kjo për shkak të deklaratave që bën presidentët e dy vendeve pas takimit të parë.
E vetmja që foli pas takimit është “shefja” Federica Mogherini e cila si ndërmjetësuese e dialogut, tha se “është e inkurajuar me angazhimin konstruktiv, që kanë treguar të dyja palët”.
“Ky angazhim dhe vullnet politik kontribuon ndjeshëm në reduktimin e tensioneve dhe ne do të vazhdojmë të punojmë në këtë frymë“, tha Mogherini përmes një deklarate me shkrim.
Nga kjo deklaratë mund të shihet se një prej temave kryesore ka qenë ulja e tensioneve pas provokimit serb me trenin.
Por, sigurisht kjo nuk është tema e vetme që palët janë thirrur në Bruksel, ku padyshim se janë shtruar çështje tejet të ndjeshme edhe si themelimi i Asociacionit të komunave me shumicë serbe që opozita kosovare e quan “Zajednica”, çështja e murit në veri e tema të tjera.
Pra në aspketin përmbajtësor të takimit këto mund të jenë disa tema por që padyshim takimi i mbrëmshëm lë brenda vetës një enigma se çfarë me të vërtetë është biseduar çfarë dakordance kanë arritur palët, veç nëse ka ndodh një gjë e tillë.
Mbetet të shihet në ditët në vazhdim nëse krerët e shteteve do tregojnë diç se për çarë biseduan apo thjesht do deklarojnë se “jemi pajtuar që dialogu të vazhdojë për uljen e tensionimit të situatës”
Para takimit, Thaçi tha se “pret që tensionet ndërmjet Kosovës dhe Serbisë të ulen edhe më shumë” dhe që “dialogu i rinisur të çojë drejt pajtimit dhe bashkëpunimit”.
Kurse Nikoliq, po ashtu para takimit deklaroi se “Beogradi do të këmbëngulë në formimin e Asociaionit të komunave me shumicë serbe”.
Veç Thaçi e Mogherini ndryshojnë “Look”-un
Përtej temave që mund të jenë diskutuar, vërehet se krerët e dy shteteve nuk i kanë kushtuar shumë rëndësi as veshjes.
Nga darka e 24 janarit dhe të mbrëmshmes ndryshime në veshje kanë bërë vetëm presidenti i cili ka ndërruar kostumin, dhe Mogherini.
Thaçi në takimin e parë është veshur me një kostum me ngjyrë hiri dhe kollare të kuqe ndërsa në takimin e mbrëmshëm me një kostum ngjyrë të zezë.
Për veshjen më së shumti është përkujdesur Frederica Mogherini e cila për dallim nga darka e parë kur ishte veshur me pantallona në darkën e së mërkurës është veshur me fustan.
Ndërsa, presidenti serb Nikoliq dhe kryeministri kosovar Mustafa ka ndërruar vetëm ngjyrën e kollares.
Më së paku rëndësi veshjes i ka kushtuar kryeministri serb Vuçiç i cili në dy takimet ka veshur një kostum i zi dhe këmishë të bardhë pa kollare, një stil ndryshe nga liderët tjerë, derisa bie në sy qëndrimi i njëjtë i tij në fotot e përbashkëta.
Ndryshe, ky ka qenë ky takimi i dytë në nivel të lartë në gati një vit, derisa takimet e tilla pritet të vazhdojnë edhe në javët në vazhdim.
Prishtina dhe Beogradi kanë arritur marrëveshjen e parë për normalizimin e marrëdhënieve, në prill të vitit 2013, por shumë nga çështjet e dakorduara kanë mbetur vetëm në letër. /tesheshi.com/
