Një foto e sjellë nga bashkëpunëtori ynë Mark Brunga, nuk mund të ketë tjetër diçiturë veç asaj që në Shqipëri ekzistojnë dhe “hajdutë të ndershëm”.
Dhe kësaj i thonë që të të ofrohet gjysma e së keqes nga ata që mundet të ta ofrojnë të keqen të plotë; pra, të paralajmërojnë se mund të vidhesh, ndërkohë që mund të të vjedhin pa të paralajmëruar fare.
Në fakt, tek ne në Shqipëri nuk ka nevojë të paralajmërohesh me të tilla parrulla. Në çdo hap që hedh, në një akt a punë që ndërrmer, kudo nga nisesh, duhet të kesh parasysh që mund të biesh pre e hajdutërisë, e cila ndodh të jetë e drejtpërdrejtë, ashiqare dhe e paturp njëkohësisht, por mund të jetë dhe e stisur në atë mënyrë që nuk e sheh, por efektet ja ndjen çdo çast të ekzistencës, siç është fjala vjen korrupsioni, që në thelb është hajdutëri.
Kështu që parrulla në mur, e shkruar nga ndonjë hajdut me prirje humane, vlerën nuk e ka të përqëndruar tek poseduesit e biçikletave, siç bëhet fjalë konkretisht, por tek çdokush që posedon diçka e që njëherësh nuk është hajdut, por që mund të bijë çdo çast viktimë e hajdutërisë. /tesheshi.com/
