Isak Larian ka lindur në një lagje të varfër të Teheranit, dhe ndoshta as që e ka ëndërruar për t’u bërë ai që është sot – një miliarder si pronar i kompanive më të mëdha për shitjen lodrave në Shtetet e Bashkuara, MGA Entertainment.
Babai i tij kishte një dyqan të vogël ku shiste tekstil, në të cilin Isaku filloi të punonte nga fëmijëria e hershme.
“Unë fillova të punojë kur isha 9 vjeç. Shkoja në shkollë e më pas në dyqan, ku dhe bëja detyrat e shtëpisë deri sa vinte ora për të fjetur. Nuk kam patur shumë gëzime si fëmijë”, thotë Larian, tani 64 vjeç.
Por ai e admironte Amerikën dhe thotë se ikja e vetme nga realiteti ishte filmat e Hollivudit. Kur ishte 17 vjeç, ai i bindi prindërit e tij për ta dërguar atë në Shtetet e Bashkuara. Dhe ata e përcollën me shpresën se do të kishin një jetë më të mirë. Morën borxh 753 dollarë nga xhaxhai i tij dhe i blenë një biletë me një drejtim për në Los Anxhelos.
Atje ai arriti me një qese dhe një batanije të verdhë që nëna e tij i dha në ikje, të cilën e ruan edhe sot.
“Isha i tmerruar, sepse unë isha një fëmijë. Nuk flisja anglisht dhe nuk kisha ku mund të strehohem. Ecja qytetit i uritur dhe duke qarë, sepse gjithçka ishte e huaj për mua”, kujton ai.
Megjithatë, fati e ndihu kur arriti të punësohet si pjatalarës në një kafene dhe merrte 1.65 dollare në orë. Ai më vonë bëri disa punë të ngjashme, dhe pas një viti grumbulloi para të mjaftueshme për t’u regjistruar në një kolegj lokal.
Më vonë u fut në Universitetin Shtetëror të Kalifornisë ku u diplomua si inxhinier, por shpejt e kuptoi se kishte ambicie krejtësisht të ndryshme – vendos të jetë një sipërmarrës.
Menjëherë hapi jë kompani të vogël për shpërndarjen e bronzit dekorativ të importuar nga Azia.
“Kam punuar nga apartamenti im dhe në rreth 9 muaj kam arritur një shitje prej rreth 30,000 dollarë”, tha Larian.
Menjëherë pas kësaj, ai filloi shitjen e elektronikës të importuar, të tilla si video games. Më vonë u bë distributori i parë zyrtar i lojrave Nintendo. Në fund të viteve 1990, portofoli i kompanisë së tij u zgjerua në produkte të tjera.
Produkti më i rëndësishëm i kompanisë së tij është kukulla Bratz, e cila është bërë një fenomen global me vlerë miliarda dollarë.
MGA është aktualisht shitësi më i madh privat i lodrave në SHBA, me të ardhura vjetore me mbi një miliardë dollarë.
Kur ai kthehet rrugës së tij të ndjekur deri ku mbërriti, Larian kujton proverbin e tij të preferuar: Lumturia ndjek guximtarët! /tesheshi.com/
