Një zhvillim i fundit në PD ka treguar se jo patjetër faji është i Berishës. Kjo pas një mbledhje kryesie është zhvilluar mes tensionesh dhe debatesh që janë përshkallëzuar deri në sharje e ofendime.
Në fundi, me 17 vota pro, 2 kundër dhe 3 abstenime, Kryesia vendosi që gara për kreun e ri të demokratëve të mbahet më 29 korrik, në kushtet kur edhe Jorida Tabaku refuzoi drejtimin e partisë.
Ky vendim solli tensione në mbledhje, pasi deputetët, që njëherazi janë edhe anëtarë të Kryesisë, nuk kanë pranuar që zgjedhjet të mbahen tani afër. Disa deputetët kanë braktisur mbledhjen, pasi ata kanë kërkuar që fillimisht të mbahen zgjedhjet në bazë, e më pas të caktohet kryetari i ri.
Gazment Bardhi, Saimir Korreshi, Helidon Bushati, Dashnor Sula, Lefter Geshtenja, Bledion Nallbati, Dhurata Çupi u larguan nga mbledhja.
Gjate largimit nga mbledhja, deputetet janë share dhe ofenduar nga disa militantë që kanë qëndruar jashtë zyrës ku mbahej mbledhja. Mbështetësit e Bashës i kanë prerë rrugën Bardhit, Korreshit dhe Sulës duke i sharë dhe ofenduar.
Madje në momentet kur deputetët po largoheshin, ka pasur një moment përplasje që për pak degradoi në dhunë fizike ndaj deputetëve.
Këtij zhvillimi negative iu shtua dhë dorëheqja e Tabakut si n/kryetare partie.
“Kërkesa ime dhe dëshira ka qenë e vetme dhe e thjeshtë, mos nxitohemi dhe t’i japim demokratëve një proces të drejtë, real dhe që na nderon. Të gjithë ishim dakord për faktin që PD duhet të riorganizohet por nuk gjetëm gjuhën e përbashkët për mënyrën se si duhet të riorganizohemi. I kërkova kryesisë të mos marrim vendim të nxituar, çdo vendim i njëanshëm thjesht do të zvogëlojë edhe më shumë partinë tonë dhe nuk do ta zmadhojë atë. Në kushtet që jemi ne nuk kemi luksin të përsërisim të njëjtat gabime”, u shpreh Tabaku në deklaratën pas mbledhjes.
Dhe në gjithë këtë zhvillim Berisha nuk ishte asgjëkundi.
Kështu, kriza e PD-së tregon se ajo është më e thellë se sa Berisha si shkak.
Kjo u tregua dhe në zgjedhjet e fundit, ku pa Berishën, me Alibeajn në krye, ajo nuk fitoi dot asnjë bashki. Berisha e Meta gjithsesi i fituan ca sosh. /tesheshi.com/
