Kur duhet dhe kur nuk duhet të përdorni antibiotikë

Antibiotikët janë një lloj mjaft i zakonshëm mjekimi, por ndodh po kaq shpesh që përdorimi i  tyre të keqkuptohet. Ndërsa janë efektivë në trajtimin e shumë infeksioneve bakteriale , antibiotikët nuk trajtojnë dot sëmundjet virale, të tilla si gripi apo e ftohura. Antibiotikët janë mbipërdorur për vite e vite me radhë e për shkak të këtij shpërdorimi, le të themi, ato po e humbasin efektin, pasi bakteriet janë duke u bërë gjithnjë e më rezistentë.

Mjekët besojnë se pacientët e tyre kërkojnë antibiotikë duke menduar se kjo do t’i shërojë më shpejt. Është e qartë se nevojitet edukim më i madh i pacientëve për të mos i trajtuar sëmundjen virale me antibiotikë.

Sëmundje të zakonshme që kërkojnë trajtim me antibiotikë janë:

Fyti i skuqur

Pneumonia

Infeksionet e veshit

Infeksionet e rrugëve urinare

Infeksionet e sinuseve

Ndërsa sëmundje virale që nuk mund të mjekohen me antibiotikë përfshijnë:

Gripi

Ftohja

Pjesa më e madhe e infeksioneve të lëkurës

Kolla

Ndryshimi i mënyrës sesi njerëzit mendojnë për mjekimet dhe sëmundjet nuk është një detyrë e lehtë, por është e domosdoshme që të mos përdoren antibiotikët kur nuk është e nevojshme. Kjo po rrit rezistencën e mikrobeve dhe po ul fuqinë e një pjese të mirë mjekimesh. /tesheshi.com/