Rezultatet e reja të zgjedhjeve amerikane, të cilat mund të zbulojnë fituesin përfundimtar, duhet të dihen pasdite me kohën e Evropës Qendrore, kur priten të dhëna të azhurnuara nga Nevada, Georgia dhe Arizona.
Fituesi i zgjedhjeve amerikane nuk dihet ende, por parashikimet dhe analistët besojnë se favoriti aktual është Joe Biden, por gjithashtu se republikanët do të mbajnë shumicën në Senat, gjë që mund të komplikojë ndjeshëm vendimmarrjen e demokratëve dhe zbatimin e lëvizjeve të paralajmëruara si reforma nw sigurimet shëndetësore ose sistemi i taksave.
Çfarë i duhet Biden për të fituar
Republikani përballet me një rrugë shumë më të vështirë drejt fitores. Për të vazhduar garën, Donald Trump duhet të pushtojë Georgia-n dhe Arizona-n ose Georgia-n dhe Nevada-n, pasi media amerikane raportoi se Biden fitoi në Wisconsin dhe Michigan.
Nëse ai ka sukses, republikani duhet të fitojë në Pensilvani, ku parashikimet janë në favor të Biden, dhe në Karolinën e Veriut për 270 zgjedhës të nevojshëm.
Zyrtarët e Pensilvanisë kanë njoftuar se do të numërojnë votat deri të premten dhe NBC raporton se Karolina e Veriut nuk do të azhurnojë rezultatet e saj deri më 12 nëntor.
Kur do ta dimë?
New York Times shkruan se të dhënat e azhurnuara për Nevada-n do të dihen të enjten në orën 6 pasdite.
Në Nevada, 85 për qind e votave u numëruan dhe kandidati demokrat Joe Biden kryeson atje me më pak se 8,000 vota.
Sekretari i Shtetit i Georgia-s, Brad Raffensperger pret që numërimi i votave në shtetin e tij federal të zgjasë deri të enjten në mëngjes, raporton BBC.
Presidenti republikan po udhëheq atje me 39,000 vota, por 200,000 të tjerë duhet të numërohen.
Biden ka një shans të mirë për të përmbysur atë shtet federal, gjë që Presidenti Barack Obama nuk ka arritur ta bëjë dy herë.
Arizona, ku Biden aktualisht kryeson me gati 80,000 vota pasi u llogaritën 86 përqind, do të lëshjë gjithashtu të dhëna të reja në pasditen me kohën e Evropës Qendrore. /tesheshi.com/
