Ministri rus i Mbrojtjes Sergei Shoigu zbuloi se lufta në Ukrainë duhet të zgjasë të paktën deri në vitin 2025.
“Operacioni special ushtarak do të zgjasë të paktën deri në vitin 2025”, tha Shojgu.
Ai shtoi se Rusia “do t’i arrijë objektivat e vendosura deri në vitin 2025 përmes zbatimit të vazhdueshëm të masave dhe planeve të aktivitetit”.
Një regjistrim i fjalimit të tij u publikua në platformën X (ish-Twitter) nga Anton Gerashchenko, një këshilltar i Ministrisë së Punëve të Brendshme të Ukrainës.
“Çfarë synimesh kanë vendosur? Ushtria ruse do të shpërbëhet plotësisht? Do të ketë një ‘ofensivë negative’ deri në Moskë? Çdo gjë e mundshme do të vidhet nga buxheti rus deri në vitin 2025?”, pyet Gerashchenko.
The "special military operation" in Ukraine will last at least until 2025 – Shoigu.
"Consistent implementation of measures and activity plans until 2025 will allow us to achieve the goals we set."
What kind of goals did they set? Russian army will completely fall apart? There… pic.twitter.com/pvFQP12VZl
— Anton Gerashchenko (@Gerashchenko_en) September 26, 2023
Kujtojmë se agresioni rus kundër Ukrainës filloi mëngjesin e 24 shkurtit 2022, kur presidenti rus Vladimir Putin shpalli një “operacion special ushtarak” për “çmilitarizimin dhe denazifikimin” e Ukrainës. Minuta më vonë, raketat dhe sulmet ajrore goditën të gjithë Ukrainën, duke përfshirë Kievin, të ndjekur menjëherë nga një pushtim i madh tokësor në fronte të shumta. /tesheshi.com/
