Prodhuesi gjerman i makinave Volkswagen (VW) ka thënë se do të paguajë 6.4 milion dollarë dëmshpërblim për ish-punëtorët në një fabrikë braziliane të cilët paditën kompaninë për bashkëpunim me ushtrinë e vendit gjatë diktaturës 1964-1985.
Punëtorët dhe familjet e tyre paditën prodhuesin e makinave pesë vjet më parë për shkelje të të drejtave të njeriut.
Siç u përcaktua në vitin 2016, agjentët e VW dhanë emrat e punonjësve gjatë ndjekjes policore për njerëzit që ishin shënuar si “subversivë”, të cilët më vonë u arrestuan dhe u torturuan.
“Na vjen keq për dhunën që ka ndodhur në të kaluarën. Eshtë e rëndësishme për Volkswagen të mbajë përgjegjësi për këtë kapitull negativ në historinë e Brazilit dhe të promovojë transparencën,” tha CEO i VW, Hiltrud Werner.
Marrëveshja e VW me prokurorët brazilianë, e nënshkruar dje, gjithashtu rendit donacionet për projekte, duke përfshirë një përkujtimore për viktimat e diktaturës, tha kompania.
Dymbëdhjetë ish-punëtorë thanë në 2016 se ishin arrestuar dhe torturuar në fabrikëne madhe të Volkswagen-it në Sao Bernardo do Camp, afër Sao Paulo, ndërsa të tjerët ishin pushuar nga puna dhe në listën e zezë.
Shumë prej tyre nuk mund të gjenin punë për vite pas kësaj. /tesheshi.com/
