Ambasada amerikane në Tiranë ka kujtuar ditën kur ish-presidenti Bush do vizitonte Shqipërinë, duke e patur ndalesën më të madhe në Fushë Krujë, aty ku çifti presidencial do vizitonte një qendër fëmijësh.
Ishte kohë kur qeveriste Berisha, por që vizita nuk lidhej domosdoshmërisht me atë se kush qeveriste. Megjithatë, në komentin e ambasadës theksohet se mesazhi i vizitës ishte dhe mbështetja për Shqipërinë në NATO.
“Sot është 16-vjetori i vizitës historike të Presidentit të SHBA George W. Bush në Shqipëri.
Presidenti Bush u bë presidenti i parë amerikan që vizitoi Shqipërinë postkomuniste më 10 qershor 2007.
Në nder të vizitës së tij në Fushë Krujë dhe mbështetjes së tij për anëtarësimin e Shqipërisë në NATO, qyteti zbuloi një statujë të Presidentit Bush në 2011”, shkruhet nga ambasada.
Por ana tjetër e medaljes së kësaj vizite do qe lajmi aludues për orën e dorës të presidentit amerikan, që sipas disa mediave, iu hoq vjedhurazi nga dora teksa ishte i rrethuar nga turmat në Fushë Krujë. Por kjo nuk u sqarua kurrë nëse ishte apo jo e vërtetë. /tesheshi.com/
