Lulzim Basha, gati i harruar tashmë si një protagonist politik, rikthehet hera-herës me ndonjë status në rrjete, si për t’i kujtuar publikut që ekziston ende politikisht.
Së fundi, ai ka reaguar ndaj një deklarate të Bashës një natë më parë te Real Story i Ballës në Report TV, ku për sulmet kibernetike të Iranit tha se ishte një borxh që SHBA ia ka Shqipërisë, nga fakti se sulmet vinin për shkak se në Shqipëri strehohet opozita iraniane, diktuar kjo nga SHBA.
Por Basha ka vuajtur fjalën “borxh”, pra që SHBA i ka Shqipërisë në këtë rast, duke thënë të kundërtën e argumentuar pse.
“Aleatët tanë strategjikë SHBA nuk kanë asnjë borxh ndaj nesh, ndërsa ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Shteti i së drejtës me barazi para ligjit për të gjithë, demokracia funksionale dhe media e lirë, konkurenca e ndershme dhe liria e tregut, lufta kundër korrupsionit dhe krimit të organizuar janë standartet ende të paplotësuara të partneritetit dhe aleancës strategjike mes SHBA-së dhe Shqipërisë”, shkruan njeriu që deri më tani konsiderohet si një dështim spektakolar në politikë.
Për momentin, askush nuk llogarit që Basha mund të rikthehet sërish në krye të PD-së, aq më pak të avancojë më tej në ambicie politike, siç do qe të qënit një ditë kryeministër, siç dhe ka synuar. /tesheshi.com/
