Konferenca e dytë e statusit në gjyqin kundër anëtarëve të Shtabit të Përgjithshëm të ish-UÇK-së, është caktuar të enjten përpara një gjykatësi të procedurës paraprake në Dhomat e Specializuara të Kosovës në Hagë.
Konferenca e statusit po diskuton çështje procedurale në lidhje me zbulimin e provave për gjyqin e ardhshëm, dhe ndalimi i tyre gjithashtu do të diskutohet, raporton Tanjug.
Mbrojtësit e Thaçit, si dhe i pandehuri Rexhep Selimi, tashmë kanë paraqitur kërkesa me shkrim për heqjen e paraburgimit dhe lejimin e tyre për t’u mbrojtur në gjendje të lirë, me ose pa masa shtesë për të siguruar praninë e tyre.
Thaçi, Selimi dhe Kadri Veseli dhe Jakup Krasniqi akuzohen për lloje të ndryshme të përgjegjësisë penale për krime lufte dhe krime kundër njerëzimit.
Ata nuk kanë pse të marrin pjesë në seancë të enjten, por mund ta ndjekin atë me një lidhje video nga njësia e paraburgimit, siç bënë herën e kaluar, në konferencën e parë të statusit, më 18 nëntor.
Ata u arrestuan në fillim të nëntorit në Prishtinë dhe u transportuan nga Kosova në një njësi paraburgimi në Hagë. /tesheshi.com/
