Qeveria e Kosovës u mblodh për të shqyrtuar situatën pas marrjes nga Specialja në Hagë të kupolës së UÇK-së, për t’u përballur me akt-akuzat për krime të pretenduara gjatë kohës së luftës.
Një ditë më parë, Thaçi dha dorëheqje nga posti i presidentit, ashtu siç kishte premtuar, nëse ndaj tij do ngriheshin akuza.
“Në kohë të vështira të COVID, po kalojmë edhe këtë sfidë. Q Qeveria e Kosovës pret nga të gjithë të vazhdojnë të demonstrojnë kulturë të lartë politike. Pa drejtësi të plotë një vend nuk mund të ketë paqe as me veten dhe as të tjerët. Padrejtësitë karshi një vendi smund të vazhdojnë pa fund”, tha kryeministri Hoti.
Ndërkohë, EULEX ka bastisur këtë mëngjes shtëpitë e Thaçit, Veselit e Rexhep Selimit. /tesheshi.com/
