Është mbajtur për të shtatin edicion më rradhë Kupa Pavarësia, organizuar nga Federata Shqiptare e Futbollit. Për dallim nga edicionet e kaluara që u mbajt në Vlorë, këtë herë miniturneu u zhvendos në Durrës, deri sa më vonë kupa morri rrugë drejt Ulqinit, pasi atë e fitoi skuadra e Otrantos që morri me vete trofeun.
Në ndeshjen finale, Otranto nga Ulqini mposhti Partizanin B me rezultat 3:0. Kupën, kapitenit të Otrantos, Arian Senikajt, ia dorëzuan, Lutfi Nuri, zv president i Federatës Shqiptare të Futbollit dhe Fadil Vokrri, president i Federatës së Futbollit të Kosovës.
Në gjysmë finale e parë, Otranto mundi Shkëndijën e Tetovës 1:0 me golin e shënuarnga Fetmir Molabeqiri në minutën e 17-të, kurse në gjysmë finalën tjetër, Partizani mundi Ferronikelin 1:0 me golin e shënuar nga Marko Vidoviq në minutën e 17-të. Skuadra më fair play u shpall Shkëndija e Tetovës , kurse epiteti i lojtarit më të mirë i ka takuar Mehmet Divanoviq i Otrantos së Ulqinit.
/tesheshi.com/
