Klubi nga Balaidos do të jetë pengesa e fundit për skuadrën blaugrana në rrugën drejt finales së Kupës së Mbretit. Dueli tjetër gjysmëfinal, do zhvillohet ndërmjet Sevillas dhe Valencias.
Celta Vigo rikthehet pas pesëmbëdhjetë vitesh që të luajë në gjysmëfinalen e Kupës, dhe një rival më të padëshiruar se Barcelona as nuk do kishte menduar ta gjente.
Sa për t’u kthyer në kohë, klubi nga qyteti i vogël i Vigos, për herë të fundit ka shijuar këtë fazë në vitin 2001, pikërisht ndaj skuadrës së Barcelonës, të cilën e kishte mundur, për të humbur në finalen e Zaragozas, përballë Sevillas.
Ndërkohë, në duelin tjetër do takohen Valencia dhe Sevilla, dy skuadra që kanë patur histori suksesi në garat e Kupës me skuadrën e lakuriqëve, që ka fituar në vitin 2008, për herë të fundit këtë kompeticion.
Duelet e para do zhvillohen me 3 dhe 4 shkurt, derisa ato kthyese pas një jave. /tesheshi.com/
