Shorti i çerekfinales në Kupën e Mbretit i ka vënë përballë dy finalistët e edicionit të shkuar, Barcelonën dhe Athletic Bilbao-n. Dueli i parë ndërmjet këtyre dy skuadrave do të zhvillohet në San Mames, ndërkohë sfida kthyese në Camp Nou.
Një përballje tjetër interesante pritet të jetë ajo ndërmjet Celta Vigos dhe Atletico Madrid-it. Ndërkohë, shorti ka qenë me fat për skuadrat Valencia dhe Sevilla, pasi do përballen me kundërshtarë më inferior, Las Palmas e Mirandes, që do të jenë kundërshtarë i dy gjigantëve të Primera Division.
Duelet e çerekfinales në Kupën e Mbretit do të zhvillohen javën e ardhshme me 20 janar, ndërkohë duelet kthyese pas një jave, më 27 janar.
Çiftet çerekfinaliste:
Athletic Bilbao – Barcelona
Valencia – Las Palmas
Sevilla – Mirandes
Celta Vigo – Atletico Madrid
/tesheshi.com/
