Juventus kalon pengesën Torino për të vazhduar rrugëtimin drejt mbrojtës së titullit të Kupës. Zonja e vjetër shkallmoi fqinjët nga Torino (4-0), për të marrë biletën drejt çerekfinales. 
Mbrëmja ishte e rezevuar për futbollistin Simone Zaza-n, që i dha shqelmin e parë Torinos në ndeshje, pas gjysmë ore lojë. I njëjti futbollist vazhdoi goleadën në fraksionin e dytë të lojës, i ndihmuar dhe nga Pogba e Dybala. Kështu, Juventus kompletoi pokerin që është më se i mjaftueshëm për të ecur drejt turit të rradhës.
Pa ndonjë problem të madh edhe pretendenti tjetër për të fituar titullin e kupës, Napoli kaloi këtë fazë, pasi mposhti Hellas Veronan, (3-0). Madje, napolitanët mbyllën çështjen e fituesit brenda dhjetë minutave të parë të ndeshjes, pasi realizuan dy herë përmes Kaddourit dhe Mertens, ndërkohë Callejon në pjesën e dytë i dha vulën kalimit tutjte të skuadrës së drejtuar nga Maurizio Sarri.
Befasia e radhës ishte Carpi që eleminoi skuadrën e Fiorentinës, (1-0). Golin e vetëm në këtë takim e realizoi Antonio Di Guadio në pjesën e dytë të lojës.
/tesheshi.com/
