Pritësi: Brazili
Skuadra: 13
Formati: Faza e grupeve, raundi final
Ndeshje: 22
Golat: 88
Fituesi: Uruguai
Nënkampion: Brazili
Këpuca e Artë: Ademir (Brazil)
Sfondi
Pas një pauze prej 12 vitesh, u luajt Botërori i katërt.
Shkatërrimi, tragjedia dhe fërkimet politike të shkaktuara nga Lufta e Dytë Botërore ndikuan në vendet evropiane. Pasojat u ndjenë edhe në pjesë të tjera të botës, prandaj FIFA-s i duhej më shumë kohë për të gjetur një mikpritës të gatshëm.
Amerika e Jugut, ku Botërori u organizua vetëm një herë, në edicionin e parë të tij në vitin 1930, e shfrytëzoi këtë mundësi dhe Brazili u zgjodh mikpritës.
Kualifikimi për në turne u ndërlikua për arsye financiare dhe politike. Kampionët aktualë, italianët, ishin në krizë, pasi disa nga yjet e tyre më të mëdhenj humbën jetën në një aksident ajror. Në fund, skuadra e tyre përsëri performoi, por në një përbërje dukshëm më të dobët.
Disa nga vendet, si Turqia dhe India, u tërhoqën për arsye financiare dhe logjistike.
Anglia, pavarësisht historisë së saj të futbollit, luajti për herë të parë në Kupën e Botës, pasi përfundimisht iu bashkua FIFA-s.
Kur më në fund filloi turneu, kishte katër përfaqësues në dy grupe, tre në një dhe vetëm dy në një.
Fituesit e grupeve shkuan në raundin final, në të cilin të gjithë luajtën me njëri-tjetrin, për të rritur numrin e ndeshjeve dhe numrin e biletave të shitura.
Brazili ishte favorit në ndeshjen e fundit kundër Uruguait dhe pritej të kurorëzohej kampion para 200,000 tifozëve. Me një gol në minutën e 47-të, ata kryesuan 1:0, por Uruguai shënoi dy gola në një hark kohor prej 13 minutash dhe u bëri tifozëve brazilianë një “dush të ftohtë”.
Uruguai u bë kështu skuadra e dytë që fiton dy herë Kupën e Botës, siç e bëri Italia më parë.
Ana e ndritshme
Pas më shumë se një dekade zije dhe lufte, bota më në fund priti pak gëzim dhe shijoi tre javë gara futbolli.
Brazili ndërtoi një stadium të madh me një kapacitet prej 200 mijë tifozësh, Maracana në Rio de Zhaneiro, i cili ishte plot për të mirëpritur të gjitha ndeshjet e ekipit vendas.
Ky ishte Botërori i parë ku lojtarët kishin fanella me numra në anën e pasme.
Dështimet
Argjentina u tërhoq nga gara, duke përmendur një mosmarrëveshje me Konfederatën e Futbollit të Brazilit.
Disa vende që konsideroheshin si fuqi, si Gjermania, Çekosllovakia dhe Hungaria, nuk ishin në gjendje të luanin pasi ishin ende duke u rikuperuar nga efektet e luftës.
Nuk kishte asnjë ekip aziatik në turne. /tesheshi.com/
