Stafi mjekësor i shoqatë së bamirësisë Mjekët Pa Kufij është vrarë në qytetin afgan të Kunduzit, pas klinika ku ata punonin u godit nga një sulm ajror ditën e shtunë.
Forcat amerikane ishin duke kryer sulme në kohën e goditjes së klinikës. Aleanca e NATO-s ka pranuar se mund të jetë kryer një gabim, por ndërkohë edhe 30 punonjës të tjetër të klinikës mbeten ende të zhdukur. Spitali kishte 105 pacientë në kohën e sulmit.
Luftimet në Kunduz kanë qenë intensive që kur luftëtarët talibanë hynë në qytet ditën e hënë. Kunduz është e para qendër e madhe urbane që bie në duart e talibanëve pas 14 vjetësh.
Bombardimi ndodhi në orët e para të së shtunës. Mjekët pa Kufij thanë se klinika u godit disa herë gjatë bombardimeve dhe u dëmtua rëndë. Forcat amerikane pranuan se gjatë sulmeve të tyre ajrore mund të kishin shkaktuar dëm anësor në një ndërtesë të afërt me objektivin e tyre.
Drejtori i misionit të Mjekëve pa Kufij në Afganistan, tha se të gjithë ndjehen të tronditur nga vrasja e stafit dhe pacientëve dhe se pritet një bilanc i rëndë. Mjekët pa Kufij nuk kanë ende një shifër të plotë të viktimave dhe të plagosurve. /tesheshi.com/
