Policia në Mitrovicë ka arrestuar dy aktivistë të Vetëvendosjes, të cilët me anë të një proteste sot në hyrje të objektit të Komunës së Mitrovicës, kundërshtuan marrëveshjen për Asocionin e Komunave serbe, apo si e quanjnë ata, ‘Zajednicës’. Ata janë Erden Atiqi dhe Imer Fejza.
Faruk Mujka, kryetar i lëvizjes Vetëvendosje në Mitrovicë ka theksuar për portalintesheshi.com se policia e Kosovës ka ndërhyrë dhunshëm në aktivistë paqësore që po protestonin kundër formimit të ‘zajednicës’,duke kërkuar nga asamblistët e Mitrovicës që këtë marrëveshje ta hedhin poshtë.
Mukja tha me këtë rast se 9 asamblistë të Vetëvendosjes në Kuvendin Komunal kanë votuar kundër pranimit të kësaj marrëveshje, ndërsa që 25 të tjerë kanë abstenuar.
Gjatë tërë kohës sa ka zgjatuar mbledhja e KK-së, aktivistë të VV-së kanë brohoritur me megafon parulla kundër ASK-së si: “Poshtë Zajednica”, “Mos e shitni Kosovën”, “Mos shkelni mbi gjakun e dëshmorëve”, “Mos u bëni pjesë e tradhtisë’, “Me zajednicën humbasim resurse të çmuara të popullit si Ujëmanin, Trepçën, Kishnicën e Artanë”, etj etj.
Në një moment aktivistet e VV-së kanë hedhur ngjyrë të kuqe në hyrje të objektit të komunës si simbolike e gjakut të derdhur të dëshmorëve, duke kërkuar nga asamblistët dhe qytetarët që të mos shkelin pra mbi gjakun e derdhur të heronjve.
Pas kësaj ka ardhur deri tek acarimi i gjendjes ku sigurimi i KK-së ka intervenuar në largimi e aktivistëve duke kërkuar që të mos e ndotin komunën. Në këto momente ka ndërhyrë edhe njësia e policisë së Kosovës për reagime të shpejta, NJRSH, e cila ka bërë edhe arrestimin e dy aktivistëve të VV-së të cilët ende po mbahen në stacionin e policisë në jug të Mitrovicës. /tesheshi.com/
