Këshilli i Sigurimit i OKB-së ka shtyu miratimin zyrtar të programit të punës të shkurtit për shkak të mosmarrëveshjes nëse raporti i rregullt tremujor mbi Kosovën do të përfshihet në axhendë.
Kjo u tha për gazetarët në Nju Jork nga Anatolio Ndong Mba, ambasadori i Guinesë Ekuatoriale, e cila në shkurt kryeson Këshillin e Sigurimit të OKB-së.
Duke folur për programin mujor të punës, Ndong tha se disa vende kanë shprehur shqetësim në lidhje me planin e shpallur në raportin e rregullt tremujor për punën e Misionit të OKB-së në Kosovë (UNMIK), planifikuar për t’u diskutuar në takimin e 7 shkurti.
Këta anëtarë, tha ai, besojnë se mbajtja e seancave të hapura për Kosovën çdo tre muaj, pra kaq shpesh, është diçka e panevojshme.
Ndong kujton se mosmarrëveshja mbi debatin mbi Kosovën në Këshillin e Sigurimit të OKB-së ka qenë prej vitit të kaluar dhe shprehu shpresën se shtetet snëtare së shpejti do të arrijnë një marrëveshje mbi këtë çështje, për të bërë të mundur shmangien e një votimi procedural për rendin e ditës.
Ministri i Jashtëm serb, Ivica Daçiç kohët e fundit deklaroi se Këshilli i Sigurimit i OKB do të diskutojë mbi Kosovën më 7 shkurt.
Ai tha se “Guinea Ekuatoriale, e cila kryeson … ka vepruar heroikisht kur e ka vënë Kosovën në rendin e ditës të seancës së 7 shkurtit”, porse kjoi po has në kundërshtimin e disa vendeve.
Që nga viti 1999 kyr dhe u mirata Rezoluta 1244, Këshilli i Sigurimit i OKB-së ka debatuar për Kosovën çdo tre muaj.
Kjo praktikë u ndërpre në gusht të vitit 2018, kur Britania e Madhe refuzoi të paraqiste raportin e UNMIK-ut në axhendë, pasi mbante rolin e kryesueses.
Për raportin e UNMIK-ut të OKB-së, OKB-ja përsëri debatoi në nëntor kur kryesinë e mbante Kina.
Anëtarët e BE-së në Këshillit të Sigurimit të OKB-së, janë në favor të një ndryshimi të formatit dhe dinamikës së seancave për Kosovën, si dhe për të zvogëluar buxhetin e UNMIK-ut, duke argumentuar se situata në Kosovë nuk përbën një kërcënim real për paqen dhe sigurinë ndërkombëtare.
Ndërsa Beogradi beson se çështja e Kosovës nuk është zgjidhur dhe se situata terren kërkon domosdoshmërinë e pranisë së vazhdueshme dhe angazhimit të UNMIK-ut. Njëherësh kërkojnë dhe mosndryshim axhende në Këshillin e Sigurimit në seancat mbi Kosovën, pra çdo tre muaj, duke thënë se kjo ka mbështetjen e Pekinit dhe Moskës. /tesheshi.com/
