Një gjykatë ruse dënoi me 20 ditë burg udhëheqësin e opozitës, Aleksei Navalni.
Vendimi u dha të hënën, duke i hequr mundësinë Navalnit të udhëheqë protestën e madhe të paralajmëruar në Shën Petersburg të shtunën, në 65 vjetorin e Putinit.
“Dënimi im është një dhuratë për Putinin për ditëlindjen e tij”, tha Navalni në një sallë gjyqi në Moskë.
Navalni, 41 vjeç, u ndalua të premten duke bërë plane për të udhëtuar në një tubim në një qytet provincial.
Ai u akuzua nga policia për shkelje të përsëritur të një ligji për organizimin e takimeve publike, që dënohet deri në 30 ditë në burg.
Navalni ka thënë se do të kandidojë për president në zgjedhjet e ardhshme të marsit, por autoritetet zgjedhore kanë thënë se nuk ka të drejtë, sepse ai po vuan një dënim të pezulluar për mashtrim.
Putin, i cili e ka udhëhequr Rusinë që nga viti 1999, pritet të kërkojë dhe të fitojë një mandat gjashtëvjeçar në krye të Kremlinit. Fushata ende nuk ka nisur zyrtarisht. /tesheshi.com/
